İtaliya Avropa’nın ən inkişaf etmiş və təhsil baxımından ən geniş imkanlara malik ölkələrindən biridir. Bu gün İtaliya xaricdən ən çox tələbə qəbul edən ölkələrdəndir. Ölkəmizdə də İtaliya’da təhsil çox populyarlaşıb. Bunun bir çox mühüm səbəbləri var.

Əksəriyyəti dövlət universitetləri olan 90-dan çox ali təhsil müəssisəsi ilə İtaliya; Tibb, mühəndislik, politologiya, tarix, memarlıq, stomatologiya, iqtisadiyyat, psixologiya, sosiologiya, moda və dizayn kimi sahələrdə keyfiyyətli təhsil ala biləcəyiniz bir ölkədir. Bundan əlavə, universitetlərin əksəriyyəti ingilis və italyan dillərində təhsil verir. Bütün bu səbəblər İtaliya’da təhsil almaq istəyənlər üçün çox cəlbedici seçimlərdir.

İtaliya’da təhsil almaq üçün səbəblər!

İtaliya Avropa’nın və dünyanın ən nüfuzlu universitetlərinə ev sahibliyi edir. Bu ölkədə Roma La Sapienza, Milan Universiteti, Bolonya Universiteti, Padova Universiteti, Pavia Universiteti kimi görkəmli universitetlərdə təhsil almaq imkanınız var.

İtaliya universitetləri digər Avropa ölkələri ilə müqayisədə daha sərfəli təhsil haqqı ilə təhsil təklif edir..

İtaliyada təhsil almaq üçün italyan dilini bilmək lazım deyil. Sayı hər il artan ingilis dili təhsili verən universitetlərdən istənilən birini seçə bilərsiniz.

İtaliya təsirli tarixə və çoxlu təbii gözəlliklərə malik bir ölkədir. Tarix baxımından xüsusilə zəngindir. İllərə meydan oxuyan tarixi binalar insanları valeh edir. İtaliya’da oxuyarkən bu yerləri ziyarət etmək və görmək şansınız da olacaqdır.

İtaliya universitetlərində oxumaq həm də sizə rahatlıqla digər avropa ölkələrinə keçməyə imkan verir. Tələbələrin Avropa’da sərbəst hərəkət etmək hüququ var. Bundan əlavə, Avropa ölkələri arasında nəqliyyatdan istifadə çox rahatdır. Siz hətta 5 avroya təyyarə bileti tapa bilərsiniz.

İtaliya Universitetlərində təhsil almağın üstünlükləri!

Xüsusilə mühəndislik və memarlıq təhsili almaq istəyənlər üçün İtaliya’da bir çox nüfuzlu texniki universitetlər var. Bu universitetlərdə təhsil alaraq karyeranızın zirvəsinə çatmaq imkanınız olacaq. Politecnico Di Torino və Politecnico Di Milano dünyanın aparıcı universitetləri arasında ən yaxşı texniki universitetlər sırasındadır. Bu köklü ali təhsil müəssisələrinin keyfiyyətli təhsil proqramları ilə siz öz sahənizlə bağlı bütün texniki bilikləri əldə edə bilərsiniz .

Bir çox universitet reytinqlərində İtaliya universitetləri ön plana çıxır. Dünyanın ən yaxşı 500 universitetinin reytinqində İtaliya’dan 11 universitet var. QS World University Rankings adlanan bu reytinqdə cəmi 36 universitetlə İtaliya burada təhsil almaq istəyən tələbələr üçün əla fürsət təqdim edir.

Təhsil sistemi haqqında

Ölkədə bakalavr təhsili 3 ildir. Həmçinin 2 illik magistratura ,3 illik doktorantura və 1 illik xüsusi magistr proqramları var.

Tədris ili yaz və payız dövrlərindən ibarətdir. Bu dövrlər arasında tələbələr öz vətənlərinə qayıda bilərlər.

İtaliya’da bakalavr təhsili

İtaliya’da bakalavr təhsili 3 il davam edir,Proqramlar ingilis və ya italyan dillərində tədris olunur. Bakalavr təhsili almaq istəyən namizədlərin 12 illik orta məktəb bazası,5,5 ielts göstəricisi və seçəcəyi ixtisas üçün tələb olunan imtahan nəticəsi olmalıdır.(SAT,TOLC-E,TOLC-PSİ,TOLC-İ).

İtaliya’da magistr təhsili

İtaliya’da magistr proqramları ölkəmizdə olduğu kimi 2 il davam edir. Təcrübə yönümlü kurslarla tələbələrin bakalavr təhsilində öyrəndikləri bilikləri tətbiq etmələri və öz sahələrində ixtisaslaşmaları təmin edilir. İtaliya universitetləri Avropa’nın ən yaxşı universitetləri sırasındadır və iş dünyası oradakı inkişafı yaxından izləyir. Magistrtarura üçün universitetlər 50 dən artıq müxtəlif ixtisas təklif edirlər.Tələbələrin Magistratura üçün göstəricisin 70+ GPA(diplom ortalaması) və 6,5 ielts nəticəsi olmalıdır.

İtaliya’da təhsil haqqı

İtaliya universitetlərində necə təhsil almaq olar? Sualın ən maraqlı tərəfi təhsil haqlarıdır. İtaliya’da dövlət universitetlərində bizdə olduğu kimi yalnız illik təhsil haqqı alınır. Dövlət universitetlərində illik təhsil haqqı 900-2300 Avro arasında dəyişir. İtaliya’nın özəl universitetlərində təhsil haqları 5,000-30,000 Avro arasında dəyişir.

Universitet imtahanında baza balı keçən və Azərbaycanın istənilən özəl və ya dövlət universitetində 4 illik bakalavr təhsili almaq hüququ qazanan tələbələr asanlıqla İtaliya’dakı universitetlərə müraciət edə bilərlər. 3 illik bakalavr təhsilini tamamlayan tələbələr məzun olduqdan sonra 2 illik magistratura təhsillərinə davam edə bilər və ya 1 il ərzində iş tapdıqları təqdirdə İtaliya’da yaşayış və iş icazəsi ala bilərlər.

İtaliyada təhsil alan beynəlxalq tələbələrin əksəriyyəti Amerika, Çin, İran, Polşa, Türkiyə və Azərbaycan’dan olan tələbələrdir.

İtaliya’nın ən yaxşı 5 universiteti

İtaliya universitetlərinə son illərdə dünyanın hər yerindən böyük tələbat var. Bunun ən böyük səbəblərindən biri İtaliya’nın çox zəngin bir ölkə olmasıdır. Ölkənin geosiyasi yeri, iqlimi, tarixi və turistik yerləri xaricdən çoxlu immiqrasiyaya səbəb olur.

Mühacirlərin böyük əksəriyyəti universitetdə təhsil almaq məqsədi ilə İtaliya’da müraciət edirlər. Xaricdən çoxlu insan Avropa’nın və dünyanın ən qədim və nüfuzlu universitetlərində təhsil almaq üçün İtaliya’ya səfər edir. Üstünlük verilməsinin səbəblərindən biri də ölkədə bakalavr təhsilinin 3 il olmasıdır. Bundan əlavə, İtaliya universitetləri digər Avropa ölkələrindəki universitetlərdən daha sərfəli təhsil haqqı ilə təhsil təklif edir. Bütün bunlar İtaliya’nı təhsil baxımından cəlbedici ölkə edir.

İtaliya’dakı nüfuzlu universitetlərdən ən böyük beşini aşağıdakı kimi sıralamaq olar:

1.Roma Sapienza Universiteti

Roma Sapienza Universiteti 1303-cü ildə yaradılıb və İtaliya’nın ən qədim universitetlərindən biridir. Təxminən 115.000 tələbəsi ilə Avropa’nın ən sıx universiteti olan məktəbin kampusu Roma’da yerləşir. Çoxlu Nobel mükafatı laureatı məzunu olan Roma La Sapienza İtaliya’nın və dünyanın ən yaxşı universitetlərindən biri kimi qeyd olunur. 1982-ci ilə qədər Roma’da yeganə dövlət universiteti olan məktəb, keçmişdən bəri ən çox seçilən universitetlərdən biri olub. 11 fakültə ilə təhsil təklif edən universitetdə tibb, memarlıq, mühəndislik kimi sahələrdə təhsil almaq mümkündür.

2.Milan Universiteti

Avropa’nın ən böyük və ən nüfuzlu universitetlərindən biri olan Milan Universiteti 1924-cü ildə Milan’da yaradılıb. 62 000 tələbəyə təhsil verən universitetdə 2400-dən çox müəllim və elmi işçi çalışır. 9 fakültəsi ilə geniş ərazidə təhsil verən Milan Universiteti Avropa İnteqrasiya Araşdırma Universitetləri Assosiasiyasının (LERU) İtaliyadakı yeganə nümayəndəsidir. Fakültələr; incəsənət, hüquq, kənd təsərrüfatı, əczaçılıq, siyasi elmlər, elm, idman və tibb bölmələrindən ibarətdir.

3.Bolonya Universiteti

23 fakültəsi ilə 80.000-dən çox tələbəyə xidmət edən Bolonya Universiteti qərb dünyasının ən qədim universitetidir. Əsas binası Bolonya şəhərində olan universitetin yaranma ili 1088-ci il kimi tanınır. Onun həmçinin Ravenna, Cesena, Forli və Rimini kimi şəhərlərdə kampusları var. 14-cü əsrdən bəri görkəmli akademiklərin dərs dediyi universitet illərdir məntiq, astronomiya, tibb, fəlsəfə, hesab, ritorika, qrammatika, ilahiyyat, yunan və ivrit dili kurslarının verildiyi ən əhəmiyyətli təhsil ocaqlarından biri olmuşdur. Bu gün 11 fakültə və 33 şöbə ilə fəaliyyətini davam etdirən Bolonya Universiteti dünyanın ən yaxşı 200 universiteti sırasında öz yerini tapmışdır.

4.Padova Universiteti

1222-ci ildə Padova şəhərində qurulan Padova Universiteti İtaliyanın ikinci, dünyanın isə beşinci ən qədim universitetidir. Keçmişdən bir çox məşhur adın məzun olduğu universitet bu gün 65 mindən çox tələbəyə xidmət göstərir. İtaliyanın ən prestijli universitetlərindən biri olan Padova Universitetində memarlıq, mühəndislik, incəsənət və tibb kimi sahələrdə təhsil almaq mümkündür.

5.Pavia Universiteti

1361-ci ildə Pavia şəhərində əsası qoyulan Pavia Universiteti dünyanın ən qədim və ən prestijli universitetlərindən biridir. Əsrlər boyu Lombardiya bölgəsində yeganə universitet olan məktəb hazırda 24.000-dən çox tələbəyə xidmət göstərir.

9 fakültəsi olan Pavia Universiteti 80-dən çox bakalavr proqramı ilə fəaliyyətini davam etdirir.

İtaliya’da yaşayış xərcləri

İtaliyada təhsil almaq istəyən tələbələri ən çox maraqlandıran sual aylıq yaşam xərci nə qədərdir

İtaliya şəhərlərində yaşam xərcləri dəyişir. Böyük şəhərlərdə ayliq yaşam xərci 600-100- avro olaraq qiymətləndirilir. Buraya kirayə pulu və aylıq yaşam xərci daxildir. Tələbələr ev və ya otaq kirayələyə bilərlər və digər tələbələrlə bölüşə bilərlər. İtaliyada tələbə mənzili böyük şəhərlərdə daha bahadır və şəhər mərkəzindən və kampusdan nə qədər uzaq olduğunuzdan asılı olaraq ölçüsü və yerindən asılı olaraq ayda 300-600 avro arasında dəyişə bilər.

İTALİYADA TƏQAÜD

İtaliya dövləti xarici tələbələrə Regional Scholarship need base təqaüd proqramından yayarlanmağa imkan yaradır.İtaliyada təqaüd sizin akademik göstəricilərinizə görə yox sosial vəziyyətinizə görə verilir.Qəbul alındıqdan sonra tələbələr təqaüdün tələblərinə uyğun olduqları halda təqaüdə müraciət edilir.

Təqaüdün tələblərinə Ailə üzvlərinin illik gəlir dövriyyəsi və daşınmaz əmlakların ümumi kvadraturası daxildir.

Təqaüdü qazanmış tələbə illik təhsil haqqından azad olur və illik 7655 avro təqaüd qazanır.Bu məbləğ regiondan asılı olaraq artada və ya azala bilər.Təqaüd ildə iki dəfə olmaqla yarıbayarı verilir.Şirkətimizdə təqaüd və qəbul 100% qarantilidir.

İTALİYADA TƏQAÜDLÜ TƏHSİL?!

Recent Posts

Studying Dentistry Abroad: English-Language Programs and Top Universities

Study in Spain

University of Twente Scholarships

The Irish Government Scholarship

KAUST Scholarship